Մշոյ շրջանի յայտնի երգերէն է։ Հաւանաբար այս երգը կապ ունի երաշտի հետ։ Կը պատմէ նաեւ, որ Գոր անունով պատանի մը աղքատ շինականին արտը պաշտպանելու համար կը կռուէր մարախի պարսերուն դէմ, երաշտի ժամանակ ափով ջուր կը բերէր եւ մէկ-մէկ կը ջրէր խանձուող ցորենահասկերը, կարկուտի ժամանակ երկնքին դէմ կը կենար եւ կարկուտը անձրեւի կը վերածուէր։ Օր մը Գորը կ՚երթայ կռուելու ջուրը պահող վիշապին դէմ, բայց չի վերադառնար։ Մարդիկ «Գորանի» անունով երգ կը ձօնեն` պատանին ետ տուն կանչելու համար։